Healthy Seed
【育兒鬆一Zone】新手爸媽湊B蝦碌大全

【育兒鬆一Zone】新手爸媽湊B蝦碌大全收藏

【育兒鬆一Zone】新手爸媽湊B蝦碌大全分享

家庭關係 | 0至12個月

資深註冊社工李淑輝姑娘( Jody)

【育兒鬆一Zone】新手爸媽湊B蝦碌大全

21.09.2022

一想起照顧BB,爸媽們實在有不少難忘的回憶!

 

「嘩!你都得咯!反轉咗條尿片啦!長長厚厚嗰面喺底架!」

「喂,話明肛探!支針係插後面Pat Pat,你邊度咁有創意,插喺前面小便嗰度㗎?」

「阿B沖完涼換衫,你逐件衫咁同佢著?著到天光咯!手仔都俾你屈到變形金剛咁!」

「你漏抹乾臍帶嗰位啦!唔係就咁抹乾嗰身就算,臍帶嗰度濕𣲷𣲷,唔發霉,都吽菇仔啦!」

 

 新手父母照料BB的片段,真是笑話多籮籮,不能盡錄!

__________________________________________________________________________________________

 

若曾沾手照料過BB,你就會明白當中的蝦碌位!BB初到貴境,爸媽既興奮雀躍,又忙亂慌張,究竟照顧BB要從何入手?軟軟的一團小棉花,簡單至抱起BB的手勢,再進而給他餵奶、換片、沖涼…,看似「手板眼見」功夫,但當中的竅門必須拿捏準確,才能妥貼照顧好BB,甚至可以避免意外發生!

 

1) 積極學習具體照顧BB技巧 

 

就算現時有陪月、外傭、長輩…代為照料BB,新手爸媽也絕不能完全假手於人!一旦陪月夠期完約、外傭放假、長輩要Me Time抖氣,BB始終要回歸到父母雙手!若不早日學習照顧技巧,屆時BB的降臨,便會殺個新手爸媽措手不及,「倒瀉籮蟹」的情況真是可以預見到! 

 

2) 及早建立親子關係

  

縱使照顧BB過程中,新手爸媽會出現數不清的蝦碌鏡頭,但照料中的體貼和樂趣,真是只有BB和新手爸媽親身才能體會到,外人是難以理解的。這種寶貴經驗,就是良好親子關係建立的雛型和基礎!而且,照顧BB過程中的開心記憶,新手爸媽會永世難忘的! 

 

3) 夫婦同心完成重大人生項目 

 

若說結婚是夫婦首個共同處理的人生大事,相信BB的降臨,正正是緊接著而來的第二單大項目!夫婦胼手胝足合力照顧BB,非一面倒的將責任全投放在一人身上。彼此的合作過程需要磨合,亦可能出現許多甩漏位,只要齊心,互相提醒、打氣,萬難定能跨過,夫婦感情會更上一層樓呢!

 

以上資料由慈慧幼苗教育主任(資深註冊社工)李淑輝姑娘 (Jody) 提供

© 2022 Healthy Seed

Healthy Seed