早前，看到朋友在面書上寫了一則帖子，內容是關於管教四歲仔仔方面遇到的困難，我除了「讚好」她的帖子之外，作為她的好朋友，當然要致電關心她，她立即向我大吐苦水。

朋友：「你都知我仔仔一向都乖、好聽話，我每日都會俾兩粒自家製的水果軟糖作下午茶，一向都相安無事。突然有一日佢話想我俾四粒水果軟糖佢食，仲同我講：『你都要聽我話，我有食糖嘅權利。』更不斷扭計，我即場呆了一呆，不知如何反應，然後諗深一層呢句說話咁似曾相識嘅。」

我好奇地問朋友：「小朋友嘅言行舉止很多時都係向身邊人學習，佢會唔會喺其他人度學返嚟？」

朋友靈機一觸：「呀！我諗起平時婆婆湊仔仔時，成日同佢講『要聽媽媽話。』可能咁佢就學咗呢句說話；但我唔明白仔仔點解突然會變得咁曳，仲識得駁嘴添！」

我笑笑口開導她：「其實反映緊你仔仔都幾聰明、學嘢快喎，最後你點處理？」

朋友理正氣壯地道：「我當然堅持唔俾四粒糖佢食，同佢講咗半個鐘道理，話俾佢知食咁多糖無益，會蛀牙，由佢自己冷靜。」

我聽完朋友呻，明白好多時父母都是不停地講道理，但真的有效嗎？

解說

一般父母在處理小朋友的不當行為時都離不開打、鬧或說道理，以我朋友為例，她選擇向兒子說道理是一種很溫和的處理方法；不過，問題在於父母不宜在小朋友情緒失控時向他說教，因為當刻父母無論說什麼道理，小朋友都聽不入耳，所以當刻最重要是如何令小朋友冷靜下來。其實，父母宜在平時生活中向小朋友灌輸正確的價值觀和道理，這樣才能達到成效。

就以上述的例子，父母可以運用幽默的方法來化解小朋友的不當行為，例如：將兩粒水果軟糖分成四粒，如果小朋友問起，建議媽媽以幽默的口吻說：「哦…原來你講嗰四粒糖唔係咁，媽媽誤會咗添，呢次你食咗先啦！」避免與小朋友「硬碰」。加上，小朋友年紀愈大，愈會有自己主見，父母要明白這不是壞事，但重點是要拿捏小朋友的成長需要和自己的管教原則，互相尊重和協調，從而不會破壞親子關係。