會員註冊

某天，我約會閨蜜分享近況，身為媽媽的她，話題當然離不開囡囡啦！

「前日囡囡想食你喺韓國送畀我哋嘅紫菜手信，我認真地同佢講只可以食一塊，她乖乖應承，但她食完一塊又想食多一塊，我當然唔准，於是她就出動喊功扭計。」

「咁你哋點樣處理呀？」

朋友續說：「老公啱啱沖完涼出嚟見到囡囡狂喊，問完我原因，就去安慰囡囡，同囡囡講知佢好想食多塊紫菜，但頭先應承咗媽媽只食一塊，所以無得再食；佢仲叫我立即拎開或食晒啲紫菜，等囡囡見唔到。」

「咁你老公都支持你、尊重你嘅做法喎！」

朋友補充：「係呀，囡囡好快安靜咗，佢讚女女：『你而家好乖、好安靜，我和媽媽一齊攬吓你先！』老公喺呢件事上做到協調嘅角色，無得失大小情人，真係做得唔錯！哈哈！」

聽到她哈哈的笑聲，我也為她有一個好老公，囡囡有個好爸爸而感恩。

解說

在管教小朋友方面，作為丈夫所擔當的角色非常重要，與太太有所配合、互相尊重和達一致共識，才能讓小朋友信服。正如我朋友的例子，她丈夫在整件事情上處理得很恰當，因應當刻的情況，扮演協調的角色，一方面有回應小朋友的情緒，並聰明地叫太太將女兒想吃的紫菜拿走，免得引發女兒再想吃的渴望；另一方面亦認同和尊重太太堅定的做法，與太太管教一致，有別於偏袒一方的做法。