會員註冊

我自己其實係一個都幾多朋友喜歡交際既媽媽, 不過女女自細都好怕人怕事細膽又易扭計有情緒, 其實由細到而家三歲幾, 我明白佢既性格, 所以每到weekend(我是working mum)都會多d陪佢周圍去玩(包括去郊外, 海灘, 又playroom)用盡我自己既精力同時間去陪佢多d出去見多d人同地方, 希望佢見多d外邊既世界會開朗d亦唔好咁怕新事物。而家讀緊全日際N班, 佢經常返黎都同我講, 小朋友搶佢野, 小朋友整到佢, 好多時都表示嬲。 我都會花小小時間, 捉住佢小手, 了解下佢今日學校點樣比人整到, 我話因為媽媽見唔到事件既發生, 不過我好希望佢明白, 人地未必係特登整到你, 可能會有小小既碰撞。(我事後都有幾次打電話同老師了解同傾尼個問題) 但事情並沒有改善, 更經常既係, 有我自己朋友既同年齡小朋友, 想同佢玩, 甚至向whatsapp同留言話, 好掛住我女女想同我女女玩, 我女女就第一句話: 我唔鐘意同小朋友玩(泛指全部小朋友)。 我已經話, 你咁樣講, 人地小朋友聽到好傷心的, 而且人地係善意地想同你一齊玩(我好肯定朋友既小朋友係冇整過佢打過佢, 不過學校果d我就控制唔到睇唔到, 老師亦話從未有小朋友整到佢)。 其實我應該仲有咩方法去改善佢既想法? 傾過, 關心過, 都係咁樣。 有時我出街想帶女女見其他小朋友, 我都要預先勸告佢唔好講"令人傷心既說話", 但佢既反應就話, 咁我唔想見果個小朋友了, 我唔出去.....(連預早協定佢都想到有點負面) 令我有點無從再入手, 唔知可以點 改善佢既想法

從家長的描述看來，女兒有可能是因為當她被欺負後媽媽表現得特別緊張，她才有這些表現。以下一些建議可供家長參考：

1. 當家長與老師傾談時，可以分享女兒的看法（不喜歡跟小朋友玩），並請老師留意和跟進。當老師發現女兒和同學相處融洽時，請老師多加稱讚，以加強這些行為；但當女兒與同學相處時出現問題或爭執，也請老師幫忙了解當中原委，以便家長和老師跟進。

2. 家長的說話和反應會直接影響孩子的行為表現，建議家長減少表現出對女兒社交生活的擔憂。

3. 同樣，在日常生活中若看見女兒和其他孩子融洽共玩，請多加稱讚，以強化這些行為；相反，當看到其他孩子不跟女兒玩耍時，家長宜先控制自己的反應，不要馬上干涉，宜給予空間學習解決。

以上建議由教育心理學家提供