會員註冊

Hello! 我係全職媽媽, 女兒現在22個月,各方面發展正常。但佢每次見到媽媽唔紮辮就會好唔開心，會提示媽媽要紮辮，例如講「媽媽紮辮啦」或者「媽媽唔記得紮辮」。當我解釋媽媽今日唔想紮辮或者今日著呢套衫唔紮辮，佢會扁嘴，喊，不斷央求媽媽紮辮。 平時女兒都會因為媽媽唔滿足佢要求而唔高興，但當我解釋後佢通常都會接受媽媽唔可能滿足佢每個要求或者慾望，唯獨紮辮呢件小事令我覺得有點困擾(畢竟媽媽也有換髮型嘅權利吧). 我有嘗試過同佢讀關於換髮型或者剪頭髮嘅書，佢都好鍾意。身邊嘅人換髮型佢都OK。媽媽化妝無戴眼鏡佢會話「媽媽無戴眼鏡」，當我解釋咗媽媽戴隱形眼鏡後佢都唔會扭計。 請問究竟可以點樣幫女兒理解媽媽都可以唔紮辮？謝謝! PS 媽媽嘅頭髮只係及肩，黑色直頭髮，應該唔會造成太大驚嚇吧…

尊重孩子的同時，家長也不能凡事順從，需建立明確的規範，讓幼兒知道，用哭鬧是不能得到想要的結果的。 1歲半至2歲期間，幼兒的自我開始萌芽，並逐漸達到自我發展的高峰期，此時他們的佔有慾會特別強，大多數時間只會依循自己的想法而行。從這個案看，幼兒認為媽媽一定要束髮，便一定要她束髮。 家長可嘗試跟孩子玩裝扮遊戲，先取出一個人形布偶，請幼兒替它解開辮子，然後替它梳頭，期間可以說一些讚賞的說話，讓幼兒慢慢地接受媽媽也可以不束髮。 有時候，家長的回應也是強化孩子行為的原因，建議家長不用太緊張，因為孩子現在正學習不同行為會形成的後果。 以上建議由教育心理學家及註冊幼兒導師提供