會員註冊

我仔剛剛2歲，我由佢出世開始就自己全職照顧佢，我係幼稚園教師，所以一直以黎對照顧孩子既方法都係多關愛多身體接觸，從來冇打罵，亦經常鼓勵同陪伴孩子一齊接觸新事物。自一歲有一次我仔入過醫院之後，可能做過太多檢查同醫療程序，出院之後佢就變得好痴身，我明白佢可能有恐懼有陰影，我盡量都多陪伴多安撫，但到而家為止，佢都係好唔願意接觸屋企人以外既人，佢肯同人有少少交流，但一有哩d情況就會捉住我隻腳好緊張咁，好多新事物，玩具，只要係比較太聲或者郁動得快既野佢就會好驚，就算我陪佢佢都唔願意嘗試去摸下，但我冇迫佢，有同佢講咁等你想玩我地先再玩。但我覺得佢驚既野實在太多，而且連喺屋企都要跟住我寸步不離，哩個情況我真係好擔心，我到底仲可以做d 咩幫佢建立安全感等佢可以有信心探索周圍既事？補充：佢去playroom o個d 又唔係痴到我實，會自己走黎走去玩，間中轉頭望下我，見到我就會繼續玩，所以我都唔係好理解到點解一時一樣，謝謝解答。

答案：

欣賞媽媽悉心照顧仔仔，而且所運用的方法都很正面和鼓勵！從字裡行間，感受到你的擔心，擔心孩子缺乏安全感、擔心他不嘗試新事物、擔心他有分離焦慮……對2歲的孩子來說，安全感是非常重要，尤其是重要人物（significant others）例如：爸爸、媽媽、照顧者所給予的安全感，所以父母千萬不要無故失蹤，令孩子擔心。從上述的陳述，「仔仔去playroom會自己走黎走去玩，間中轉頭望下我」，其實仔仔都會自己去探索新事物呀！媽媽不用太擔心啊！當他肯定媽媽在他身邊，他會繼續玩，說明當他獲得足夠的安全感，有助他探索新事物。而且隨著年齡的增加，孩子越來越成長，他的分離焦慮會有所改善。建議媽媽平日可帶他去多一些社區中心、朋友的聚會等，讓他從小習慣接觸不同的人，當他主動接觸人時，記得不忘稱讚他、肯定他，從而建立他的信心、欣賞他的勇敢！

文中媽媽提到「覺得佢驚既野實在太多」，作為2歲的孩子來說，他倚賴媽媽取得安全感實屬正常，但要小心當他說不願意做，媽媽便不用他做，他便很容易停留在安全網、安舒區(comfort zone)內，難以突破。所以，媽媽宜採用「硬手段」要孩子去嘗試，而非當孩子一拒絕便就範。並且，媽媽可以做多幾次給孩子看，例如：「媽媽試2次俾你睇，一齊試吓啦！」，讓孩子容易接受，有信心去突破。

另外，很多全職的家庭主婦認為既然自己不用外出工作，應全時間照顧孩子。其實其他家庭成員的配合及支持也很重要，照顧的角色不要只集中在媽媽一人身上。否則孩子會「痴身」，放手並鼓勵其他家庭成員一起承擔照顧的責任，也讓孩子學習和不同的人相處，到入學的時候，比較容易適應分離。

媽媽，你已經做得很好了，多一些肯定自己，而且我們相信，孩子的成長需要時間，只要持續地用正面、堅定的教養方法，孩子定能健康地成長。加油呀！

由慈慧幼苗註冊社工吳彩輝回答