會員註冊

專家們你好，我女兒31週04日出世，更正週數約五個月，體重約13磅，平時一日五餐，約四小時一餐，每餐平均130ml, 最近一個星期，每餐食量開始不穩定，早上7:30可以食130-150ml, 之後再瞓覺，四小時後，只肯食30-60ml，我餵配方奶粉。想請問，她唔肯食是否和出牙有關，我買了米糊準備加固，如果她肯食半曬奶米糊，就可以當作一餐，對嗎？

在嬰兒更正六個月前(26週加上早產了的週數),不要預期嬰兒能真正食進任何食物。你女兒的更正週數約五個月，亦未夠7 Kg，加固最好等一個月後。

建議：

 只要嬰兒對進食開始有興趣，就應讓嬰兒參與家庭的進食時間: 比如坐在父母大腿上，讓嬰兒觀看全個過程。

 嬰兒嘴仔出現好似咬野咁同埋流口水的現象，就是可以開始加固體食物的訊號。

 在他能自己手抓食物前，以匙喂糊狀食物。

 和你的兒科醫生或營養師討論你的嬰兒何時真正需要固體食物，及配方奶還是母乳，需否加進鐵或維他命補充劑。

首次加固：一旦觀察到可開始加固體食物的訊號之後，最初可以先調整比奶粉稍微稠的糊仔，先用匙餵一口試下放近BB嘴仔。由於係BB出世之後首次接觸固體食物，所以一般會乖乖接受的機會唔大。大多數BB初次用匙，通常會因為害怕而拒絕。如果發生拒絕，就不要強迫BB食，可以隔一日再試。如果都失敗，就可以試隔多幾日之後再試。只要能夠有耐性咁重覆餵，最終BB都會接受的。訓練期間，亦可以俾唔同形狀和唔同顏色的匙當玩具咁俾BB拎下，又可以俾BB試下放入嘴，讓BB習慣對匙的接觸。

以上提供的資料，只作參考用途！

以上資料由註冊護士整理，經香港大學名譽助理教授何寶琪醫生審批！