會員註冊

仔仔而家2歲10個月，以前細個時佢係痴爸爸多d, 因為爸爸o係屋企既時間比我多，雖然我放工放假既時間9成都會陪佢。 直至我再次懷孕，因為一d原因要臥床休息，加埋產假，留o係屋企大半年時間，期間當然係日日都陪住仔仔。 喺我放左假冇幾耐之後，仔仔開始痴番我喇，講故事都指明淨係要媽媽講。 到我生左放產假時，仔仔都開始返n班，當時由於仲放緊產假，所以日日都係我親自接送仔仔。唔知係因為佢大個左，定返左學，佢變得更加痴我，做咩都係一定要搵媽媽，例如：換衫，飲奶，刷牙，訓覺…情況到我放完產假，返番工個幾月都冇變。 由於仔仔幼稚園係英普教學，老師話仔仔上堂時都係講廣東話，仔仔多數返學時都係開心既，但有時都話唔想返學，我問佢係咪因為返學聽唔明，佢話係。所以我開始喺屋企時都同佢講下英文希望仔仔可以練習下，特別係陪睡時講得最多，仔仔每次都會話唔鐘意媽媽講英文。如是者，過左一個星期度，一到訓覺時間，仔仔話唔要同媽媽訓，喊住話要同爸爸訓，就算訓著左都好醒訓，一札醒都係要喊住搵爸爸…我已經停左唔夠再同佢講英文，我自己情緒都好受影響，好唔開心，仔仔應該都感受到。過多一兩日情況仲差左，仔仔連日常生活好多鎖事，玩，講故事都唔話要爸爸，我既情緒更加低落，我都知可能又會影響到仔仔。點做先可以令仔仔唔會淨係要爸爸，好想仔仔可以痴番我…

對於上述個案的情況，我們有以下建議：

控制情緒：我們明白家長的感受，兒子以往跟媽媽有一種親密的親子關係，後來卻像被「嫌棄」，這種感覺的確不好受。建議先放鬆自己，與孩子相處時盡量保持正面心態。

適當減壓：家長宜多與家人分享感受，如兒子現時樂於跟爸爸玩，家長可與爸爸商量，嘗試在父子玩樂時讓媽媽一起參與，逐步與兒子重建親密的親子關係。如發覺自己無法處理育兒所帶來的壓力，可向住址所屬的綜合家庭服務中心尋求專業人士協助。

優質親子時間：親子時間較着重家長與孩子相處時的「品質」，親子時間的目的是建立家長與孩子的關係，可以是一起玩遊戲、聊天分享、講故事等，或是做一些孩子喜歡的事情。建議家長每天抽一些時間與幼兒進行上述活動，建立親子關係。

提供足夠語境：幼兒學習語言，除了在學校學習外，還需要給予充足的語言環境，讓他從生活中透過「習得」（acquisition) 學會。建議家長參考本網站的「培養優質雙語系列」，並與老師商量如何有效提升幼兒的語言能力。