會員註冊

小朋友而家21個月大，由打完18個月針後開始，小朋友經常會自己講「打針、無事、唔痛」，我地通常會回應「係呀，打針有少少痛，但係無事」，但最近頻率愈來愈高，大約半個月前我地搬左屋，小朋友睡眠質素大幅下降，每隔一兩個小時就會喊醒，大約一星期開始，小朋友病左要「了」鼻做流感測試，唔知係咪嚇親，之後幾日都不斷好驚然後狂尖叫，完全聽唔到人講野咁，好想知道可以點樣幫小朋友消除陰影

小朋友不斷好驚狂尖叫，家長一定好擔心！

首先，小朋友是否因為流感測試或打針嚇親或搬遷，我們好難做一個定論。但21個月大的小朋友，較難以語言表達自己的感受，因此，會以最直接的方式表達，例如尖叫或哭鬧。

家長可以多觀察及嘗試以下方法：

- 小朋友狂尖叫前有什麼事發生？他在做什麼？身邊的環境是如何？從中去了是否有一些因素我們忽略了

- 媽媽可以嘗試於平時用公仔扮演劇場或孩子扮醫生照顧公仔，了解孩子情況是否與打針有關，同時教育孩子看醫生的正面概念。另外，亦可嘗試讓孩子畫畫，協助表達他的情緒。

- 當小朋友狂尖叫時，家長先冷靜，望着他說：「你好唔開心，所以狂尖叫，叫完你就會舒服啲，舒服啲之後我哋再做其他嘢」盡量避免詢問孩子原因或要求孩子停止尖叫。當然，如果環境不許可或會騷擾其他人，家長可以帶孩子到較靜的地方處理。

- 如媽媽估算孩子的情緒是驚恐，媽媽可以多作陪伴，增加身體接觸，以提升孩子的安全感。

這種情況可能會持續一段時間，媽媽需多觀察及嘗試不同的處理方法，看看有沒有改善。

以上資料由慈慧幼苗教育主任.資深註冊社工黃家嘉姑娘提供