會員註冊

你好，我仔仔而家兩歲七個月，之前一歲時都有同佢報過playgroup，嗰陣家長陪上堂，但而家兩歲半就同佢報咗分離班，所以會逐漸越黎越多時間要自己上，一個星期一堂，但每次去到間中心臨入去探熱入課室上堂嗰陣就會好抗拒入去，一路喊住，就算我話: 媽媽都入。佢都係咁喊，入到課室陪咗一陣當家長要出課室外等佢就會大喊，又有時我出街買餸佢都跑出黎攬住我隻腳話要 跟，去沖涼都係咁拍門搵我，請問有咩辦法 可以令佢冇咁黐身呢？謝謝你 !

多謝媽媽的提問，看到媽媽已嘗試用不同方式預備孩子分離的情況。首先，媽媽需要調整期望，其實孩子與照顧者要有非常信任、正面的依附關係，才會出現這種依依不捨的表現，這是非常好的徵兆。而這種分離的反應，可能會持續一段時間，以筆者經驗，有些孩子可以持續到4-5歲，因情況而定。但面對孩子必須分離的情況，媽媽可以先預早協定，同時讓他知道你會什麼時候回來（例如：短針指到呢度我就會返嚟），離開時寬容的講再見，堅決離開，父母要避免依依不捨的態度。你亦可嘗試將貼身物品交予孩子保管着，讓他有物件可以依附。父母堅持一段時間，便會發現孩子開始習慣某些時段父母會暫別自己一會兒，慢慢情緒會逐漸穩定。

以上資料由慈慧幼苗教育主任‧資深註冊社工黃家嘉姑娘提供。