會員註冊

我個女2歲9個月,呢一個星期已經發生咗幾次,夜晚食完奶刷完牙換好片,熄燈後無端端話自己要去大便,自己爬出床,出去廳到拎佢個廁所仔,但坐了一輪甚至半個鐘,其實發現佢根本唔係想去 我覺得佢係因為知道只要自己話要去大便就可以暫時唔使瞓,媽咪我就會陪喺佢隔離,等佢去完廁所！ 應該點樣改變佢啲一個習慣,或者令到佢唔好演變成一個習慣. 已經有同佢媽咪知道你唔係講真,媽咪知道你呃人,媽咪知道你咁樣係講大話,咁樣係唔啱！ 應該點教？ 真係好困擾,我哋晚晚都冇覺好瞓....

家長可以嘗試培養小朋友規律的睡眠時間，家長每天都要定時定候，每日重複同一做法，在固定時間、同一房間、睡同一張床，用15分鐘講故事時間，來訓練小朋友意識到是時候去睡覺。雖然幼兒上床睡眠時間沒有標準，一般都應在晚上8-9時上床。下面給你提供讓孩子睡好覺的幾點建議，不妨試一試。
- 家長亦可為孩子睡前為他洗溫水浴。
- 睡前不能給孩子吃得過飽。
- 孩子睡前宜與家長進行靜態活動，包括講故事15分鐘。其他家庭成員不防也暫時停止一些娛樂節目如看電 視或打遊戲機等，因為此類聲樂會令孩子心情興奮，想繼續玩，難以令孩子安然入睡。最好待孩子睡著後才繼續娛樂消閑。
- 房內不宜太光，溫度應保持攝氏23至25度。
- 如果孩子真是在該上床的時侯完全沒有睡意，可以在日間安排多點有運動量的活動，讓孩子消耗體力，方便晚上容易入睡。
- 家長亦可以在床邊擺放毛公仔、紗巾，陪伴孩子睡覺。

另外，家長可以觀察一下小朋友，是否肚子真有不適，太飽或有肚脹。排除生病不適，如再次出現此行為，就讓孩子自己坐10-15分鐘，媽媽就在房間等小朋友，讓她知道媽媽只會在房等她回來睡覺。小朋友回到床上，媽媽可以輕拍她，讓她入睡，又或者哼歌謠給她聽，令她感到有安全，自然安心入睡。

以上提供的資料，只作參考用途！
以上資料由註冊護士整理，經香港大學名譽助理教授劉慧思醫生審批!