會員註冊

因為失眠情況有改善，埋身餵哺多左，但每次bb阿b 已經5weeks 大，增重都ok, 出世3.26kg, 滿月時4.36kg, 一直都係埋身餵(每天4-5次) 同泵人奶瓶餵(每天7-8次).... (1) 而家餵左人奶一個月，之前因為嚴重失眠，都只可以半埋身半泵奶。我而家每3個鐘泵一次，但奶量好似愈泵愈少，一邊只可以泵到50-60ml左右。家人想我多休息，唔想全埋身，有咩方法可以增加奶量？ (2) 埋身餵時，阿b食一邊奶，食唔夠10mins就已經封咀訓著左，掃風亦都掃唔到ur，整佢手手腳腳叫醒佢再食奶都唔成功。然後佢又會1個小時左右再醒，擔心佢食唔夠後奶唔夠飽，同時又擔心佢訓唔夠。有咩方法可以改善？

媽媽雖然有失眠情況，仍能夠堅持全母乳餵哺小寶寶，十分欣賞。當寶寶出生首4個月，每月體重增加0.6 - 1公斤，顯示寶寶已獲得足夠奶量了。現在泵奶量好似愈來愈少，有可能寶寶吸吮力增強而吸奶量多了，媽媽有點擔心不夠供應給寶寶。一般母乳餵哺次數是每1.5 - 3小時左右，若媽媽增加埋身餵哺次數，及進食多些湯水，如：魚湯、奶(每天1-2杯)等，是可以增加奶量的。寶寶埋身食唔夠10分鐘就睡了，這表示已吃夠，飽了，媽媽不用擔心佢食唔夠後奶唔夠飽，若不夠飽，即肚餓，寶寶必會發出‘要進食’的訊號。況且，媽媽每3小時便泵奶，後奶(若有)也會被泵出來啊。6個月以下的寶寶睡眠約1個小時左右就自然醒來，這是正常的表現，此外，若睏倦了，寶寶就會入睡，也沒有固定的睡眠時數的，只需要提供安靜及適當溫暖的環境便可以了。

以上提供的資料，只作參考用途！

以上資料由註冊護士整理，經香港大學名譽助理教授劉慧思醫生審批