會員註冊

醫生你好，囡囡宜家15個月大，好少頭髮，一出世已經係咁。見過網上有啲人話剃光晒 BB啲頭髮，再生返會濃密的，想問係咪真？會唔會有咩方法 （食咩）可以幫BB 生多啲頭髮？

有些BB天生多頭髮，有些天生少頭髮，每個人都不一樣，而大部份的BB 頭髮會在出生頭六個月內脫落，有些BB頭髮好快會再生，有些剛要等一段日子，因為所有BB 都有自己的生長速度。

毛髮生長也有一定的週期循環，每天都會有頭髮脫落進入脫落期。

若BB頭部因多動而磨擦枕頭，也會做成頭髮脫落。其實, 每個BB都會甩晒初生時頭上的胎毛 , 直至九個月大時才有正式的頭髮。

頭髮係由毛囊生長出來，最長嘅「生長期」可達2~3年。而幼兒嘅毛髮一般較幼、較短同埋顏色較淺。所以你啲小朋友到咗15個月，頭髮仍然好稀疏，不用太擔心。大部份小朋友要到兩三歲，頭髮先會逐漸濃密起來。

在醫學上，沒有證據顯示剃走胎毛會令BB的頭髮長得濃密。 BB出世時的頭髮屬於胎毛，胎毛一般會在BB出生後兩年內脫去，然後長出成人的頭髮。 因此，為BB剃胎毛並不會令BB日後的頭髮長得濃密。 相反，用剃刀或刨替BB剃胎毛，有機會對BB幼嫩的肌膚造成刺激，令其出現過敏反應，一旦不小心剃損BB的頭皮，更可能令傷口感染到細菌。

想促進頭髮生長，家長可以幫BB洗頭時，用手輕輕按摩BB嘅頭皮，刺激髮根及頭皮上嘅血流，保持頭皮清潔。注意BB有充足的睡眠和營養，多用柔軟合適的刷子為BB輕輕梳理頭髮，促進頭皮毛囊的血液循環。

以上提供的資料，只作參考用途！

以上資料由註冊護士整理，經香港大學名譽副教授何學工醫生審批！